رواية انتقام الروح الفصل الثاني 2 • انا خوفت اووي واول ما صرخت هوا اختفى من قصادي
• قولتلها لا يا حبيبتي انتي بتتخيلي ولسا مكملتش كلامي
• لقيت طفل معدي من قصاد الصاله ودخل في الحيطه وهوا كله دم وبعد كدا اختفى
• انا اترعبت جدا اكتر من بنتي وكنت عاوز اهديهم وميخفوش قولتلهم يالا ننام ومفيش حاجه
• وانا كنت مرعوب وها اخليهم يسيبو الشقه بالكتير بكره
• كلمت صاحب البيت لقيته مسافر وانه ها ييجي بعد اسبوع ومجبور اني استنى الاسبوع في البيت لحد ما ييجي
• روحت الشغل ورجعت متأخر وانا طالع العماره انا حاسس ان في حد بيراقبني
• وكنت بحس حد ماشي ورايا واول ما ابص ورايا ملقيش حد
• بس ازاي وانا سامع خطاوي رجلين ورايا واحساس مرعب اووي
• دخلت شقتي شوفت منظر عمر ما اقدر اشوفو تاني في حياتي
• شوفت ان البيت بقي قديم اووي والانتريه عليه راجل ومراته وابنه والبلكونه مفتوحه وفيها اضاءة خفيفه وفي حد مستخبي فيها وبيبص عليهم وهما قعدين
• وكان الزوج قاعد هادي خالص فا في حاجا قالتها مراته قام وضربها واخدها للأوضه بتاعتهم
وبدأو يزعقو جامد
• وفضل الصوت يعلا جامد وبعد كدا هيا خرجت تاخد ابنها وتمشي راح الي كان مستخبي في البلكونه دخل عليها ذبحها هيا وابنها وعور جوزها
• وبعد كدا شوفته وهوا بينط من البلكونه بعد ما قتلهم
• فضل جوزها يبكي عليهم فتره وبعد كدا ربط حبل في السقف وشنق نفسه في الطرقه بتاعت البلكونه
• بعد كدا شوفت قصادي الناس لما دخلت الشقه وشافت المنظر والرعب الي كان فيه والحكومه جت واخدت الجثث ونزلت بيهم
• وبعد كدا الشقه اتقفلت ومتفتحتش بعدها تاني
• انا قعدت في الشقه مرعوب اوووي وخايف يحصل حاجا لمراتي واولادي
• فضلت افكر ها اعمل ايه بس اخدت بالي من الانتريه الي كان في البيت دا هوا نفس الي موجود عندي بالظبط
• اخدت التليفون ورنيت على صاحب الشقه وسألت هوا الانتريه بتاع مين
• فضل يتوهني في الكلام ويتحجج انه مشغول ومش عاوز يقول
• روحت قايله ها تقولي دلوقتي الانتريه دا بتاع مين ولا اعملك مشاكل
• قالي تمام دا بتاع الساكن القديم من ساعه ما خرج متفتحتش تاني
• اهله اخذو العفش وسابو الانتريه
• قولتله خرج من البيت ولا انتحر
• لقيته سكت فجأه وراح قايل انتا بتقول ايه مفيش الكلام دا
• قولتله انا عرفت كل حاجا وان مراته وابنه اندبحو على ايد واحد محدش شافه لا هوا ولا حد من اهله
• قولتله لو معرفتنيش موضوع الشخص دا انا ها اعرف الناس كلها ان العماره بتاعتك مسكونه ومحدش ها يقرب عليها
• قالي لاء خلاص ها احكيلك كل حاجا بالتفصيل
. قولتله ياريت تحكي
. بدأ يحكي وقال
• هوا كان عنده ابن عم بلطجي ومعروف في المكان بتاعهم انه رد سجون
• كان في ميراث المفروض ها يتقسم على سامي الي كان ساكن في الشقه واشرف ابن عمه
• بس حصل خلاف بينهم وبين بعض لان اشرف كان عاوز ياخد جزء كبير من الميراث ليه هوا لوحده من غير ما يقسم زي وضع اليد
• بعد كدا سامي شد مع أشرف جامد وحصل خناقات كتيره اوووي وصلت للضرب والسجن وبعد كدا اتحلت المشكله واتصالحو
• بس كان القانون حجز على الميراث لحين العلم بسلامه حسن نيتهم واتقفل الموضوع على كدا
• بس كان اشرف بيطارد سامي في كل مكان يروحو
• واخر مره جاله البيت وضرب سامي هوا وعدد من البلطجيه وقاله في الاخر انه ها يقتلو لو محلش موضوع الميراث وسابو ومشي
• انا معرفتش خبر الموت دا غير بعد اسبوع من الواقعه الي حصلت وكانت بشعه جدا
• قولتله طب مبلغتش عليه ليه لما انتا عارف انه ممكن تحصل مصيبه
• قالي أبلغ ليه وعلي مين بس وبعدين فين الدليل الي يثبت الموضوع دا
• يا باشا انا راجل بجري على أكل عيشي وعندي عيال مش حمل بهدله البلطجي
• وبعد كدا قالي انتا لو عاوز تفضي الشقه يبقي لما ارجع من السفر ونلغي العقد وكل حاجا ترجع لحالها
• انا صراحه بعد الي قالو في موضوع العيله دي حسيت بأن الي مات هوا ومراته وابنه ملهمش ذنب في حاجا
• كل الذنب للانسان الجشع الي عاوز كل حاجا في ايده
• انا لازم اقعد في الشقه واعرف دليل يودي ابن عمه حبل المشنقه
يتابع …
